نسمة

لسه ندمان من فراقك ..
وكان أكيد ما باختياري
وجرحي ليك يا غالي عارفو ..
وعمري ما بقدر أداري
لو سنين العمر راحت ..
لسه عائش جوه ناري
هسه لو جيت وأعتذرت ..
هل بتقبل إعتذاري ؟؟؟؟!
هل بتغفر لي عذابك ..
والجراحات والأسية
وهل بتمسح لحظة فيها ..
ضقت بي سببي الأذية
ولا ما بتنفع دموعي ..
ولا بتشفع أصلو لي
والجراح رغم اعتذاري ..
لسه يا محبوبي هي
رغم إنك هسه فاهم ..
إني بعتك وكنت ملكي
وإني عايش دنيا حلوة ..
وإنت للنجمات بتشكي
عاوز أقول ليك يا حبيبي ..
كل يوم انا عنك أحكي
وأعتذر لي طيف خيالك ..
و أحرس النجمات وأبكي
لسه ندمان من فراقك ..
وكان أكيد ما باختياري
وجرحي ليك يا غالي عارفو ..
وعمري ما بقدر أداري
لو سنين العمر راحت ..
لسه عائش جوه ناري
هسه لو جيت وأعتذرت ..
هل بتقبل إعتذاري ؟؟؟؟!

*_🍎 الليل والانسام_*
*_🍏 0918127702_*