وصية للمدير التنفيذي..

وصية للمدير التنفيذي..
ف البلد دي كبير غير الله انعدم..
ما شفنا زول رضع جهال.. وم شفنا زول غطا علي الايتام..
هنا الفقراء هم الأغنياء.. اغنياء بالتعفف والكرم والشهامة..
اغنياء بالصبر والأمل النبيل..
اما جماعة العمم..ديل (رمم)
ديل من زمن أبونا ادم لحدي اليوم شغالين زي( المنشار)..
ياسيدي ديل من زمن النميري للبشير..تحت التربيزة..شغالين

ومن زمن الدينار لزمن البرهان..شغالين خصومات واكلات..
ديل (نحارين) من زمن مجذوب الخليفة لي زمن مجذوب الطيب..
ديل صفاقة من زمن ود البلة لي زمن ود العمدة..
ديل حفارة من زمن فخر دين لي زمن المدير الحالي شمس الدين..
ديل لا بشبعوا ولا بخجلوا..
لا بنجزوا..ولا بعجزوا ويمشوا ..
دحين ياخوي..خت الكورة واطة واشتغل شغلك البتعرفو انت..
مشيت (صاح) تلقانا معاك سندك وعضدك..
بقيت زي الموج مرة فوق مرة تحت…تلقانا نحن( القيفة) تدق فينا وتصد راجع..
نحن ياسيدي لا ناس مناصب لا ناس سياسة..
دايرين ابسط الخدمات وبس..
وربنا يوفقك