بسبب عملي الذي يتطلب زيارة المسؤلين في مكاتبهم زرت كثير من المؤسسات…
والان قادتني قدماي لاحدي المؤسسات. اتصل بي مدير هذه المؤسسة قبلا
لقيت (السكرتيرة)..
من قولت سلام قلبي حدثني انه البنت دي ما وش خير.(انطباع اولي) وما اصعبه.
وفعلا صدق حدثي
عرفتها من انا وأن مديرها طلب مقابلتي. وسلمتها بطاقة الجهة التي انتمي اليها
رجعت في الكرسي للخلف وبنبرت تعالي قالت لي المدير مافي وما اظن يجي…
وكان في شرطي واقف قال لي اقعد يا استاذ المدير بوصل تحت اي لحظة.
جلسته ورايت العجب العجاب الناس زملاؤها بسلموا عليها بترد بعنجهية وافترا.. وتطنطن تحت تحت وقالت تطير عيشة فلانه وزكرت اسمها… لانه في شخص سلم عليها….
والغريب ماسكه تلفونها ومشغلة مقاطع الريلز الفي تلفونها كلها وبصوت عالي جدا تلفونها عامل ضوضاء.. والمكتب عاملاهو زي كشك المرطبات با اغنيات ود دوبا وامثال تلك الربابات…
وانا جالس انظر ليها وهي تلفونا شغال كككش ككككككش كشششششششو.
المهم اتحدثته معاها وقلت ليها انت في مكتب علاقات عامة وسكرتارية…. لازم تتطولي بالك… بجيك النصيح والمجنون قالت لي ما بقدر استحمل. المهم… دي سكرتيره مزعجه وما عارف جابوها هنا كيف.؟
والله كرسيها دا في بنات ناس خريجات علاقات عامه جيبوهم اقلاها… يحترمن الناس
ومن مواقفها الفراشه الساعية ختت تلج في حافظة الموية وشايلاها تختها في محلها المخصص صرخت فيها وقالت ليها مطيرة الحافظه وين قالت ليها عايز اختها محلها. قالت ليها طيريها عشان ما يجو يشربوها.
من الدهشه ما عرفته اقول شنو؟
وكتيرااااااات زيها في اغلب المؤسسات
سؤال
انتن مالكن يا السكرتيرات.
