بعد الأزرق هل تسقط “لجنة التدمير” في ود الحليو؟ 😂
كسلا من أبريل 2024 لحدي الليلة كانت في فيلم رعب بطولة اللواء (م) الصادق محمد الأزرق.. والفيلم أخيراً خلص..
في فبراير 2026 حظر الإفطارات الجماعية قال شنو؟ قال تهديدات أمنية.. تهديدات شنو يا زول؟ الفول والبلح بقوا تهديد أمني؟ خايف من إفطار ذكرى شهداء مكرم 2020.. إفطار بعمل ليك رعب…
وفي يونيو 2026 أكتر من 11 ألف معلم مضربين عشان أجورهم.. المتأخرة.. 11 ألف معلم.. وانت شغال تحظر السلاح وتقيد التجمعات.. يعني المعلم الجعان دا حتعالجو بالحظر؟
والأدهى من دا كلو.. في اجتماع انت ذاتك راسو.. حكومتك أقرت بتدني حصائل محجر المواشي وتهريب الماشية بلا أوراق يعني البهايم ذاتها بتهرب في عهدك.. البهايم ما لقت أمان في كسلا 😂
ويجي واحد مطبلاتي يقول ليك ظروف حرب وانهيار اقتصادي وتجربة رائدة في ملف الوافدين.. رائدة شنو يا زول؟ رائدة في الفشل…
والرسالة الآن لـ “لجنة تطوير ود الحليو الكيزانية..
بلوا راسكم تماماً بعد رحيل حامي حماكم..
كنتو عايشين في ضل الأزرق هسي الضل راح حتعملوا شنو؟..
هل ستعمل “لجنة التدمير” في العلن بعد انكشاف أمرها..
أم ستعود للعمل في الخفاء ومن وراء الستار كعادتها الذميمة..
يا جماعة اللجنة دي اسمها تطوير.. لكن شغلها تدمير.. تطوير شنو وانتو دمرتو كل حاجة؟ طورتو شنو؟ طورتو جيوبكم بس 😂
#ودالحليو_الحدث
#لجنة_تطوير_ودالحليو
#لجنة_التدمير
#الكيزان_نكبة_السودان
#كسلا_تتنفس
