الكتابه والوصف والتعبير في صفحتي لي ناسي انا بعتبرها من أصعب الآليات البتسند عليها وانا بطل على الناس.. .. براعي فيها حاجات كتيره. وبتخضع لمعايير وخطوط حمراء..

الكتابه والوصف والتعبير في صفحتي لي ناسي انا بعتبرها من أصعب الآليات البتسند عليها وانا بطل على الناس.. .. براعي فيها حاجات كتيره. وبتخضع لمعايير وخطوط حمراء..
مثلا… لازم تكتب وانت متأكد انك ماحتجرح زول…
لازم تكتب وانت متأكد انك بتكتب لي ناس مهتمه تعرف بتقول في شنو…
لازم تكتب في حياد تام.. وتبعد مشاعرك واحاسيسك وانت بتكتب خصوصا لو الأمر يخص جمهور او ناس حلوين بيسمعو لي حروفك…
لازم تكتب وانت صادق في كل كلمه وكل حرف…
لازم تكتب بدون ماتكون مستسهل البتكتب فيه.. او الحيقراه..
لازم تكتب بكل عطاء وكل محبه…
بعد ده كله.. بتلاقي ناس بتنزل باراشوت نقد وكلام يحيرك…
والعجب المنظراتيه..
انا ياخ قاااصده اكتب بين العاميه والفصحي..
انا ياخ قاااصده كلامي الكتبته ده..
انا فاهمه وواعيه لكل حرف وكل كلمه كتبتها..
فاااشنو..
علييييك الله..
بوستاتي ماعجبتك.. اتجاوز طوالي..
ماشرط تقراها..
ماشرط تعلق…
ماشرط انك اساااااسا تمر بي جنب باب صفحتي دي ذااااتها ياخ…
مافي شي جااااابرك…
المهم..
لكل الاهل و الأحباب.. والناس البعاد و القراب.. .
مبسوووووطه بيكم..
وسعيده بتواصلكَم…
وأن شاء الله دائما منورني.. ومزينين صفحتي بطلتكم…